Kapasaroy MFYda joylashgan 10-maktabda sport zali foydalanishga topshirildi.

Dang‘ara tumani Kapasaroy mahalla fuqarolar yig‘ini hududida joylashgan 10-umumta’lim maktab o‘quvchilarining ko‘p yillik orzusi amalga oshib, davlat dasturi asosida qurilgan zamonaviy sport zali yangi o‘quv yili arafasida foydalanishga topshirildi.

Tantanali tadbirda tuman hokimi, nuroniylar, maktab pedagoglari hamda o‘quvchilar ishtirok etib, yangidan barpo etilgan sport inshooti bilan yaqindan tanishdilar.

Tuman hokimi tadbirda so‘zga chiqib, davlatimiz rahbari tomonidan yoshlar uchun yaratilayotgan imkoniyatlar, jismoniy tarbiya va sportning sog‘lom avlod tarbiyasidagi o‘rni haqida alohida to‘xtalib o‘tdi.

Mazkur sport zali yoshlarning sog‘lom turmush tarzini ta’minlash, ularni sportga keng jalb etish va iqtidorli yosh sportchilarni tayyorlashda muhim ahamiyat kasb etadi.