Dang‘ara tumani hokimi ishtirokida aholi bilan ochiq muloqot va fuqarolar murojaatlarini tinglash yuzasidan qabul jarayoni bo‘lib o‘tdi.

Qabul davomida fuqarolar tomonidan moddiy va tibbiy yordam ko‘rsatish, tadbirkorlikni yo‘lga qo‘yish uchun bank krediti olish, uy-joylarni ta’mirlash va ijtimoiy ahamiyatga ega qator masalalar bo‘yicha murojaatlar bildirildi.

Barcha murojaatlar belgilangan tartibda ro‘yxatga olindi. Shuningdek, yechimi imkoni bo‘lgan masalalar joyida hal etildi, ayrim murojaatlar esa huquqiy maslahat va zarur tushunchalar berish orqali qoniqtirildi.

Muddat talab etuvchi masalalarni hal qilish yuzasidan esa tegishli mutasaddi tashkilot va mas’ul rahbarlarga biriktirilib, qat’iy nazoratga olindi.

Mazkur qabul jarayonlari aholi muammo va takliflarini o‘rganish, ularga amaliy ko‘mak ko‘rsatish hamda har bir murojaatga mas’uliyat bilan yondashishda muhim ahamiyat kasb etmoqda.