Dang‘arada “Bilimlar kuni”

O‘zbekiston Respublikasi Davlat mustaqilligining 34 yilligi va yangi o‘quv yili boshlanishi munosabati bilan Dang‘ara tumanidagi mavjud 42 ta umumta’lim maktablarida “Vatan uchun, millat uchun, xalq uchun” shiori ostida tantanali “Bilimlar kuni” tadbirlari bo‘lib o‘tdi.

Joriy o‘quv yilida tumanda 3525 nafar bolalar ilk bor maktab ostonasini qadamladi. Birinchi sinfga qadam qo‘ygan har bir o‘quvchiga maktab sumkasi, 12 turdagi zamonaviy o‘quv anjomlari, zarur darsliklar jamlanmasidan iborat “Prezident sovg‘asi” topshirildi.

Tantanali tadbirlarda tuman raxbarlari, nuroniylar, mahalla faollari, ziyolilar hamda ota-onalar ishtirok etib, bolajonlarga ezgu tilaklar yo‘lladilar. Ular mustaqil O‘zbekistonning istiqboli, yurtimiz kelajagi aynan yosh avlodning bilim va salohiyatiga bog‘liq ekanini ta’kidlab, barchaga ilmiy izlanish va mehnatda muvaffaqiyatlar tiladilar.