Dang‘ara tumani hokimi faol nuroniylar bilan ochiq muloqot o‘tkazdi

Dang‘ara tumani hokimi mahallalardagi faol nuroniylar bilan ochiq muloqot o‘tkazdi. Suhbat davomida mahallalarda mavjud muammolar, ayniqsa, ajrim yoqasida turgan oilalar bilan bog‘liq masalalar atroflicha muhokama qilindi.

Muloqotda , kambag‘al oilalarga biriktirilgan mas’ul vakillar tomonidan amalga oshirilgan ishlar tahlil qilinib, mavjud kamchiliklar ko‘rsatib o‘tildi.

Shu bilan birga, aholi farovonligini oshirish, ijtimoiy muammolarni samarali hal etish va yoshlarni ma’naviy tarbiyalash borasida nuroniylarning taklif va mulohazalari tinglandi.

Tadbir yakunida “Oqila ayollar” harakati a’zolari hamda mahalla faollari o‘zlarining jamiyatdagi faol ishtiroki, aholining muammolarini hal etishdagi tashabbuskorligi va namunaviy ishlari uchun esdalik sovg‘alari bilan taqdirlandilar.