Yettinchi chaqiriq Xalq deputatlari Dang‘ara tuman Kengashining navbatdagi 14-sessiyasi bo‘lib o‘tdi.

Sessiya ishida tuman Kengashi deputatlari, tuman hokimining tegishli o‘rinbosarlari, kun tartibiga kiritilgan masalaga aloqador tashkilotlar rahbarlari hamda ommaviy axborot vositalari vakillari ishtirok etishdi.

Sessiyani xalq deputatlari tuman Kengashining raisi Sh.Tojixakimov ochdi va olib bordi.

Sessiya boshida O‘zbekiston Respublikasi Prezidentining 2024-yil 16-dekabrdagi “Farg‘ona viloyatini ijtimoiy-iqtisodiy rivojlantirish hamda investitsiya va tadbirkorlik muhitini yanada yaxshilash chora-tadbirlari to‘g‘risida”gi PQ-440-sonli qarori ijrosi bo‘yicha tumanda avgust oyi davomida amalga oshirilgan ishlar yuzasidan tuman hokimi Sh.Tojixakimovning hisobot berib o‘tdi.

Sessiya davomida “O‘zbekiston– 2030” strategiyasi va uni bajarish bo‘yicha amaliy chora-tadbirlar ijrosi, tegishli maqsadli ko‘rsatkichlarga erishilishi yuzasidan tuman hokimi o‘rinbosarlarining xisobotlari eshitildi.

Tuman moliya bo‘limi boshlig‘ining birinchi o‘rinbosari tomonidan tashabbusli budjet loyihasining 2-mavsum g‘oliblari to‘g‘risida ma’lumot berib o‘tildi.
Shuningdek, kun tartibiga kiritilgan boshqa masalalar ko‘rib chiqilib, sessiya yakunida kun tartibidagi masalalar yuzasidan tegishli qarorlar qabul qilindi.