Dang‘ara tuman istirohat bog‘ida O‘zbekiston Respublikasi Davlat mustaqilligining 34 yilligi munosabati bilan “Vatan uchun, millat uchun, xalq uchun!” shiori ostida katta bayram tadbiri bo‘lib o‘tdi.

Tadbir boshida tuman hokimi so‘zga chiqib, iqtisodiyot, ta’lim, sog‘liqni saqlash va infratuzilmani rivojlantirish yo‘nalishlarida erishilgan natijalarni alohida ta’kidlab, kelgusida amalga oshirilishi lozim bo‘lgan ustuvor vazifalarga ham to‘xtalib o‘tib, barcha ishtirokchilarni samimiy tabrikladi.

Tantanali bayram tadbirida tuman madaniyat bo‘limi xodimlari hamda taniqli san’atkorlar tomonidan tayyorlangan konsert dasturlari, kuy-qo‘shiqlar, raqslar va milliy an’analarimizga xos chiqishlar tadbir ishtirokchilariga ko‘tarinki kayfiyat ulashdi.