Dang‘ara tumanida sport sinovlarini muvaffaqiyatli topshirgan fuqarolar tantanali ravishda taqdirlandi

🔷Dang‘ara tumanida aholining jismoniy faollik darajasini oshirish maqsadida 30 yoshdan 70 yoshgacha va undan katta yoshdagi fuqarolar o‘rtasida “Jismoniy tayyorgarlik darajasini aniqlash” sport sinovlari o‘tkazilgan edi.

🔷Mazkur jarayonning navbatdagi bosqichi sifatida belgilangan talablarni muvaffaqiyatli bajargan fuqarolarni taqdirlash marosimi bo‘lib o‘tdi.

🔷Tantanali marosimda Dang‘ara tumani hokim o‘rinbosari, sport maktabi xodimlari, shuningdek, sportchi yoshlar ishtirok etdilar.

🔷Tadbirda sport sinovlarini muvaffaqiyatli topshirgan fuqarolarga ko‘krak nishonlari va esdalik sovg‘alar topshirildi.

🔷Tadbir davomida aholining jismoniy faolligini oshirish, sportni keng ommalashtirish, yoshlar va keksa avlod vakillarini sog‘lom turmush tarziga jalb etish yuzasidan amalga oshirilayotgan ishlar izchil davom ettirilishi ta’kidlab o‘tildi.