Dang‘ara tumani istiroxat bog‘ida 1 iyun-Xalqaro bolalarni himoya qilish kuni munosabati bilan “Yangi O‘zbekistonning baxtli bolalari” shiori ostida ma’naviy-ma’rifiy bayram tadbiri o‘tkazildi.

Tadbirga maktabgacha ta’lim tashkilotlari tarbiyalanuvchilari, ehtiyojmand va boquvchisini yo‘qotgan oilalar hamda “Ayollar daftari” va “Yoshlar daftari”ga kiritilgan fuqarolarning farzandlari taklif etildi.

Tadbirda tuman madaniyat markazi xodimlarining kuy qo‘shiqlari hamda jajji istedodli bolajonlarning saxna ko‘rinishi va raqslari barchaga chinakam bayramona kayfiyat ulashdi.