Dang‘ara tumani Oqjar mahallasida “Tashabbusli sport” loyihasi doirasida g‘olib deb topilgan "Street Workout” sport maydonchasi tantanali ravishda foydalanishga topshirildi.

Tadbirda tuman hokimligi vakillari, sport maktabi rahbarlari, o‘quvchi-yoshlar hamda mahallaning nuroniy fuqarolari ishtirok etishdi.

Yangi sport maydonchasi yoshlar va mahalla aholisi uchun sog‘lom turmush tarzini yo‘lga qo‘yish, sport bilan muntazam shug‘ullanish hamda bo‘sh vaqtni mazmunli o‘tkazish uchun barcha zarur sharoitlar bilan ta’minlangan.