Dang‘ara tumani prokurori mahalla yoshlari bilan uchrashdi

🔷Dang‘ara tumanida yoshlar bilan yaqin muloqot o‘rnatish, ularning huquqiy bilimlarini oshirish hamda huquqbuzarliklarni oldini olish maqsadida tuman prokurori mahalla yoshlari bilan uchrashuv o‘tkazdi.

🔷Uchrashuvda yoshlar o‘rtasida huquqiy madaniyatni yuksaltirish, vatanparvarlik ruhini mustahkamlash, bo‘sh vaqtni mazmunli o‘tkazish, shuningdek, turli salbiy illatlarning oldini olish masalalari atroflicha muhokama qilindi.

🔷Uchrashuvda yoshlarning turli sohalardagi muammolari tinglandi, ularning taklif va fikr-mulohazalari eshitildi. Shuningdek, yoshlar bandligini ta’minlash, tadbirkorlikka jalb etish, bo‘sh vaqtlarini mazmunli tashkil etish bo‘yicha tegishli tavsiyalar berildi.

🔷Tuman prokurori yoshlarning fikr va takliflarini tinglab, ularni qonunlarga rioya qilish, bilim va salohiyatni oshirish orqali jamiyatda munosib o‘rin egallashga chaqirdi.

🔷Ta’kidlash joizki, bu kabi uchrashuvlar yoshlarning huquqiy ongi va faol fuqarolik pozitsiyasini shakllantirishda muhim ahamiyat kasb etadi.