🔷Dang‘ara tumani 27-sonli Musiqa va san’at maktabida 21 oktabr — O‘zbek tiliga Davlat tili maqomi berilgan kun munosabati bilan ma’naviy-ma’rifiy tadbir bo‘lib o‘tdi. Ushbu sana ona tilimiz tarixida muhim ahamiyat kasb etgan kun sifatida yurtimizda keng nishonlanmoqda.

🔷Tadbirda tuman hokimining o‘rinbosari, taniqli ijodkorlar, pedagoglar, umumta’lim maktablari o‘quvchilari hamda keng jamoatchilik vakillari ishtirok etdilar.

🔷Tantanada so‘z olganlar asrlar davomida o‘zbek tilining yuksalishi va rivojiga beqiyos hissa qo‘shgan ulug‘ ajdodlarimiz merosi haqida so‘z yuritdilar.

🔷Shuningdek, bugungi kunda davlat tilining nufuzini oshirish, yosh avlodni ona tiliga muhabbat va hurmat ruhida tarbiyalash borasida amalga oshirilayotgan ishlar haqida fikr bildirildi.

🔷Tadbir davomida tuman madaniyat markazi xodimlari hamda o‘quvchilar tomonidan ona tilimizni ulug‘lovchi she’rlar, kuy-qo‘shiqlar va sahna ko‘rinishlari namoyish etildi.

🔷 Ushbu chiqishlar ishtirokchilarga bayramona kayfiyat ulashdi hamda tadbirga yanada ko‘tarinki ruh bag‘ishladi.