O‘zbekiston Respublikasi Bosh vaziri o‘rinbosari — Oila va xotin-qizlar qo‘mitasi raisi Zulayho Mahkamova oila va xotin-qizlarni tizimli qo‘llab-quvvatlash, ayollarning bandligini taminlash, ularning ijtimoiy va siyosiy faolligini oshirish borasida amalga oshirilayotgan ishlar bilan tanishish hamda amaliy ko‘maklashish maqsadida Dang‘ara tumaniga tashrif buyurdi.

Tashrif boshida Teleming MFYda xotin qizlar bilan uchrashuv bo‘lib o‘tdi. uchrashuvda oilaviy qadriyatlarni mustahkamlash, nikoh va oila huquqi, erta va qarindoshlar o‘rtasidagi nikohlarning salbiy oqibatlari hamda xotin-qizlarning jamiyatdagi rolini oshirish xususida gapirib o‘tildi.

Shuningdek, Doimobod MFYda maxalla yettiligi hamda tashkilot raxbarlari bilan uchrashib, PQ-103-sonli qaror asosida xotin-qizlarning bandligini ta’minlash, kasb-hunar va tadbirkorlikka o‘qitish hamda maktab bitiruvchi qizlarni oliy ta’lim bilan qamrab olish xolatlari taxlil qilib o‘tildi.

Tashrif davomida Katta turk MFYda axoli xonadonlarida bo‘lib, yetishtirilgan pillani terish jarayonida ishtirok etdi.