O‘zbekiston tuman hokimi Ravshanjon Begmatov ishtirokida aholi bilan to‘g‘ridan-to‘g‘ri muloqot qilish, ularni qiynab kelayotgan muammolarni aniqlash va hal etish maqsadida bugun “Ziyo Nursux” mahallasida fuqarolar qabuli o‘tkazildi.

Sayyor qabulda Xalq qabulxonasi mutasaddilari, hokim o‘rinbosarlari, mas’ul tashkilot va muassasalar rahbarlari ham ishtirok etdi.

Qabul davomida 60 nafardan ziyod fuqarolar tomonidan ijtimoiy-iqtisodiy, kommunal masalalar va mahalla infratuzilmasini yaxshilash kabi masalalarga oid taklif va murojaatlar bildirildi.

Muammolarning aksariyatiga qabul chog‘ida ijobiy yechim topildi. Xususan, mahalladagi 2 nafar imkoniyati cheklangan fuqarolarning murojaatlari qabul davomida qanoatlantirilib, ularga shu kunning o‘zida yangi nogironlik aravachalari topshirildi.

Ijrosi ma’lum muddat va qo‘shimcha o‘rganishni talab qiladigan murojaatlar bo‘yicha mutasaddi rahbarlarga ko‘rsatma va topshiriqlar berildi.