Dang‘ara tumanidagi umumta’lim maktablarini oltin va kumush medallar bilan bitirgan bir guruh o‘quvchilar tantanali taqdirlandi.

Dang‘ara tumani hokimligida bo‘lib o‘tgan tadbirda tuman prokurori hamda tuman hokimining o‘rinbosarlari ta’lim tizimida amalga oshirilayotgan islohotlar har taraflama barkamol, chuqur bilimga ega yosh avlodni tarbiyalab, kamolga yetkazishda muhim omil bo‘layotganini ta’kidlab o‘tishdi.

Tadbir davomida Dang‘ara tumanidagi 51 nafar bitiruvchi o‘quvchilar jamoatchilik ishlarida faol ishtiroki, ta’lim muassasasi rivoji uchun jonkuyarlik qilganligi, turli yo‘nalishdagi tashkiliy tadbir va ko‘rik-tanlovlarda faol ishtiroki hamda o‘qigan yillarida a’lo baholar bilan bitirganligi munosabati bilan oltin va kumush medallari hamda tuman hokimining faxriy yorlig‘lari bilan taqdirlandilar.