Dang‘ara tumanida 2025 yil paxta hosili uchun chigit ekish jarayoni amalga oshirilmoqda.

Bugungi kunda Dang‘ara tumani fermer xo‘jaliklari tomonidan chigitni plyonka ostiga tomchilatib sug‘orish uchun moslangan maxsus shlanglar yotqizilgan xolda 76x10 sxemada ekish ishlari amalga oshirilmoqda.

Dang‘ara tumani hokimi “Asia premium” fermer xo‘jaligi paxta maydonlarida bo‘lib, Turkiya texnologiyasi asosida chigitni plyonka ostiga ekish jarayoni bilan tanishib o‘tdi.

Yangi usulda hosil yetishtirish ko‘plab afzalliklarga ega. Avvalo suv va mablag‘ni tejaydi, hosildorlikni oshiradi.

Plyonka ostiga tomchilatib sug‘orish uchun moslangan maxsus yelim shlanglar yotqiziladi, urug‘ qo‘shqator usulda uyalab qadaladi. Bu gektarlarda to‘liq ko‘chatlar yaratishda o‘ziga xos imkoniyatga ega. Ekinlar yagana, chopiq qilinmaydi.

Nihollarni kerakli suv va ozuqalar bilan ta’minlashda aniq hisob-kitoblar asosida yotqizilgan quvurlarning xizmati katta. Ular kerakli chuqurlik va ko‘lamda yer namligini saqlab turadi. Suv, mineral o‘g‘itlar, zararli hashorat, begona o‘tlarga qarshi kurashish vositalari ham quvurlar yordamida amalga oshiriladi.