1. Bosh sahifa
2. Yangiliklar

Халқ депутатлари Данғара туман Кенгашининг ўн иккинчи сессияси бўлиб ўтди.

×

Олтинчи чақириқ халқ депутатлари Данғара туман Кенгашининг ўн иккинчи сессияси бўлиб ўтди.

Сессияда халқ депутатлари туман Кенгаши депутатлари, тумандаги сектор раҳбарлари,   туман ҳокимининг ўринбосарлари, Ўзбекистон Республикаси Президентининг Халқ қабулхонаси Данғара тумани бўлими мудири,  иқтисодий соҳадаги ташкилот раҳбарлари,  масалага даҳлдор корхона ва муассаса раҳбарлари ҳамда ОАВ вакиллари қатнашишди. Шунингдек сессияда вилоят ҳокими ўринбосари М. Абдураҳмонов қатнашишди.

Сессия кун тартибига Ўзбекистон Республикаси Президенти Ш.М.Мирзиёев раҳбарлигида 2020 йил 24 сентябрь куни ўтказилган видеоселектор йиғилишида ҳудудларни ижтимоий-иқтисодий ривожлантиришни рейтинг баҳолаш натижалари, шунингдек, рейтинг натижаларига асосан йил якунига қадар ва келгуси йилнинг биринчи ярмида эришиладиган мақсадли кўрсаткичлардан иборат аниқ чора-тадбирлар, муддатлар ва масъул ижрочилар акс эттирилган амалий чора-тадбирлар дастурини ишлаб чиқиш бўйича туман сектор раҳбарларининг ахбороти киритилди.

Дастлаб сессия иштирокчилари туман ҳокими, 1-сектор раҳбари Ш.Тожиҳакимовнинг ахборотини тингладилар.

Шундан сўнг кун тартибидаги масала юзасидан туман прокурори, 2-сектор раҳбари Убайдуллаев Акмалжон Ғайратович, туман ИИБ бошлиғи, 3-сектор раҳбари Ахмедов Шерзоджон Зокирович, туман давлат солиқ инспекцияси бошлиғи 4-сектор раҳбари Мухриддинов Мухаммадодил Сирожиддиновичнинг ахбороти, тингланди.

Сессияда кўрилган масала юзасидан қарор қабул қилинди.

Шу билан халқ депутатлари туман Кенгашининг 12-сессияси ўз ишини якунлади.